काठमाडौं । राष्ट्रिय प्रजातन्त्र पार्टीका सांसद पशुपति शमशेर जबराले राजनीति आफ्नै जीवनको आधार रहेको बताएका छन् ।
शुक्रबार राजधानीमा आयोजित ८४ औँ जन्मदिनको अवसरमा शुभकामना आदानप्रदान कार्यक्रमलाई सम्बोधन गर्दै उनले आफू राजनीति विना अधुरो हुने बताएका हुन् ।
“राजनीति मेरो प्राणमै छ,” उनले भने, “वंश परम्परा पनि त्यही हो । दरबारिया सुख–सयलमा हुर्केको मान्छे भएर पनि मैले देशको हरेक कुनाको पीडा बुझ्ने प्रयास गरेँ ।”
राजनीतिमा बिताएको जीवनको उर्जाशिल समय स्मरण गर्दै उनले आफूले देशका सबै भूगोल र वर्गका मानिससँग साक्षात्कार गरेको उल्लेख गरे । “त्यसबेलाको राजनीति गर्न सहज थिएन, तर मैले जनताको पीडा बुझ्न खोजेँ,” उनले थपे ।