थाइल्यान्डबाट आएको झण्डै ८ किलो हेरोइन बरामद, विमानस्थलबाट दुई भारतीय पक्राउ

अनलाइन नेपाल

मंगलवार , श्रावण २०, २०८२

काठमाडौं । थाइल्यान्डबाट तस्करी गरी ल्याइएको सात किलो आठ सय ग्राम सेतो हेरोइन बरामद भएको छ ।

लागुऔषध नियन्त्रण ब्युरोले त्रिभुवन अन्तर्राष्ट्रिय विमानस्थलबाट सेतो हेरोइनसहित दुई जना भारतीय नागरिकलाई पक्राउ गरेको हो ।

भारतीय नागरिक फिरोज अहमदलाई चार किलोसहित १६ साउनमा र क्रुनाल भेललाई तीन केजी आठ सय ग्रामसहित १८ साउनमा विमानस्थलबाट पक्राउ गरिएको बताइएको छ ।

बरामद लागुऔषधको अवैध बजार मूल्य करिब १६ करोड भएको ब्युरोले जनाएको छ । दुवैलाई विमानस्थलको अराइभल एरियाबाट पक्राउ गरिएको थियो ।

पक्राउ परेका दुवै जनामाथि लागुऔषध (नियन्त्रण) ऐन, २०३३ बमोजिम काठमाडौं जिल्ला अदालतबाट म्याद थप गरी प्रहरीले थप अनुसन्धान थालेको छ ।

प्रतिक्रिया दिनुहोस्

नयाँ अपडेट

थप नयाँ अपडेट

हर्क साम्पाङ ट्राफिक प्रहरीको कारबाहीमा, तिरे ५०० जरिवाना