Jun 08 2026 | २०८३, जेठ २५ गते
08 Jun 2026 | सोमवार, जेठ २५ गते २०८३
सोमवार, जेठ २५ गते २०८३
Jun 08 2026 | २०८३, जेठ २५ गते
08 Jun 2026 | सोमवार, जेठ २५ गते २०८३
बुधवार , श्रावण २१, २०८२
काठमाडौं । सर्लाहीको बागमती नगरपालिकाका निलम्बित मेयर भरतकुमार थापा गैरकानुनी सम्पत्ति आर्जनको अभियोगमा विशेष अदालतबाट दोषी ठहर भएका छन् ।
अख्तियार दुरुपयोग अनुसन्धान आयोगले १६ महिनाअघि दायर गरेको मुद्दामा विशेष अदालतले बुधबार आंशिक फैसला सुनाउँदै थापालाई एक वर्ष कैद, तीन करोड ४५ लाख रुपैयाँभन्दा बढी जरिवाना र सो बराबरको सम्पत्ति जफतको आदेश दिएको हो ।
विशेष अदालतका अध्यक्ष टेकनारायण कुँवर तथा सदस्यहरू मुरारीबाबु श्रेष्ठ र विदुर कोइरालाको इजलासबाट जारी फैसलामा थापा गैरकानुनी रूपमा पाँच करोड ३३ लाख ५३ हजार रुपैयाँ आर्जन गरेको प्रमाणित भएको ठहर गरिएको छ ।
यससँगै अदालतले भ्रष्टाचारजन्य हानि-नोक्सानीसम्बन्धी अर्को मुद्दामा पनि थापालाई दोषी ठहर गरेको छ।
सो मुद्दामा थापासहित विमलकुमार पोखरेल र सागर पौडेललाई दोषी ठहर गरिँदा शिलाकुमारी मोक्तान, विश्वराज पोखरेल र मेथुर चौधरीले सफाइ पाएका छन्।
हानि-नोक्सानी मुद्दामा सजाय तोक्ने सुनुवाइ आगामी साउन २९ गते हुने विशेष अदालतले जनाएको छ ।
© 2026 All right reserved to onlinenepal.com
Design & Developed By
