Jun 08 2026 | २०८३, जेठ २५ गते
08 Jun 2026 | सोमवार, जेठ २५ गते २०८३
सोमवार, जेठ २५ गते २०८३
Jun 08 2026 | २०८३, जेठ २५ गते
08 Jun 2026 | सोमवार, जेठ २५ गते २०८३
शुक्रवार , भाद्र ६, २०८२
काठमाडौं । नेपाली सेनाका हराएको पासपोर्ट र फोटोका आधारमा बैंक खाता खोलेर करोडौं ठगी भएको छ ।
मेजर प्रचण्डराज गिरीको फोटो र नागरिकता दुरुपयोग गरी विदेश पठाइदिने भनेर लजमुङ वेशीसहरका विजय परियारले ठगी गरेका हुन् ।
जिल्ला प्रहरी परिसर काठमाडौंले यस प्रकरणमा मेजरको जाहेरीका आधारमा परियार र कुमारी बैंकका कर्मचारी गोकर्ण ज्ञवालीविरुद्ध कीर्ते मुद्दा दायर गरेको छ ।
मेजर गिरीको फोटो टाँसेर बिशाल थापाको नाममा परियारले कुमारी बैंकको गोल्फुटार शाखामा खाता खोलेका थिए । गिरीको नागरिकता नम्बर तथा फोटो दुरुपयोग गरी त्यसरी खाता खोलिएको थियो । सो प्रकरणमा बैंकको समेत मिलेमतोको आरोप लागेको छ ।
सो खातामा विदेशी पठाइदिने भन्दै पैसा हाल्न लगाइन्थ्यो । पछि परियार फरार भए । खाताबारे बुझ्दा त काल्पिनक मान्छेको नाममा खाता खोलेको पाइयो । कुमारी बैंकले खाता खोल्न संलग्न कर्मचारी ज्ञवालीले जागिर छाडिसकेको भनेर उनलाई जोगाउने काम गरेको छ ।
सरकारी वकिल कार्यालयले ज्ञवाली र परियारविरुद्ध शुक्रबार जिल्ला अदालतमा कीर्ते मुद्दा दायर गरेको छ । उता यही घटनामा जिल्ला प्रहरी कार्यालयले भने मेजरमाथि समेत अनुसन्धान गरेको छ ।
उनको नागरिकता नम्बरका आधारमा बिजय थापाको नाममा अर्को नागरिकता बनेको भन्दै मेजर गिरी अनुसन्धानमा तानिएका हुन्। पासपोर्ट र फोटो हराउँदा उनी झमेलामा परेका हुन्।
© 2026 All right reserved to onlinenepal.com
Design & Developed By
