कैलाली कारागारमा थुनुवाको मृत्यु

अनलाइन नेपाल

सोमवार , भाद्र ९, २०८२

धनगढी । कैलाली कारागारमा जबरजस्ती करणी मुद्दामा पुर्पक्षका लागि थुनामा रहेका एक कैदीको मृत्यु भएको छ ।

कारागार प्रशासनका अनुसार टीकापुर नगरपालिका–४ का ५६ वर्षीय रामकिसन चौधरीको सोमबार दिउँसो मृत्यु भएको हो ।

कारागारका जेलर प्रकाश ढुंगानाका अनुसार चौधरीलाई दिउँसो साढे २ बजे अचानक रिंगटा लागेपछि उपचारका लागि सेती प्रादेशिक अस्पताल लगिएको थियो ।

तर, अस्पताल पुगेको केही समयमै चिकित्सकले उनलाई मृत घोषणा गरेका थिए ।

ढुंगानाले चौधरीलाई उच्च रक्तचापको समस्या रहेको जानकारी दिँदै मृत्यु त्यही कारणले भएको चिकित्सकको प्रारम्भिक धारणा रहेको बताए ।

तथापि, मृत्युको वास्तविक कारण पोस्टमार्टमपछि मात्र पुष्टि हुने उनले उल्लेख गरे ।

प्रतिक्रिया दिनुहोस्

नयाँ अपडेट

थप नयाँ अपडेट

परराष्ट्रमन्त्री शिशिर खनाल बेइजिङमा