Jun 14 2026 | २०८३, जेठ ३१ गते
14 Jun 2026 | आइतवार, जेठ ३१ गते २०८३
आइतवार, जेठ ३१ गते २०८३
Jun 14 2026 | २०८३, जेठ ३१ गते
14 Jun 2026 | आइतवार, जेठ ३१ गते २०८३
शुक्रवार , भाद्र १३, २०८२
अछाम । अछामको पञ्चदेवल विनायक नगरपालिका–८ बारलामा शुक्रबार बिहान पहिरो खस्दा एक महिनावारी भएकी महिला र एक बालिकासहित दुई जनाको मृत्यु भएको छ ।
सेलापानीस्थित चुरखोली टोलमा बिहान करिब ५ बजेतिर घरभन्दा टाढा त्रिपाल टाँगेर सुतिरहेका बेला भीरबाट खसेको ढुंगाले ३५ वर्षीया निम खनाल र मंगलसेन नगरपालिका–६ की ७ वर्षीया कविता भण्डारीको घटनास्थलमै मृत्यु भएको हो ।
बालिका कविताकी आमा रत्ना भण्डारी गम्भीर घाइते भएकी छन् । उनलाई प्राथमिक उपचारका लागि स्थानीय स्वास्थ्य चौकी बारला पठाइएको प्रहरीले जनाएको छ ।
जिल्ला प्रहरी कार्यालय अछामका अनुसार मृतक निम खनाल र घाइते रत्ना भण्डारी दुवै महिनावारी भएकाले घरभन्दा टाढा खेतबारीमा त्रिपाल टाँगेर बसिरहेका थिए ।
कविता आमा रत्नासँगै सुत्न गएकी थिइन् । भण्डारी परिवारको स्थायी ठेगाना मंगलसेन नगरपालिका–६ भए पनि केही महिना अघिदेखि उनीहरू ससुराली गाउँ बारलामा बस्दै आएका थिए ।
© 2026 All right reserved to onlinenepal.com
Design & Developed By
