काठमाडौं । जेनजी आन्दोलनको क्रममा ध्वस्त भएको कोटेश्वरस्थित नरेफाँट प्रहरी चौकी पुनःस्थापना गरिएको छ ।
‘कोटदेवी विध्यानगर समाज सुधार समिति’को संयोजनमा पुनःस्थापना कार्य सम्पन्न भएको हो ।
पुनःस्थापना समितिका संयोजक देव चौलागाईंका अनुसार स्थानीय समाजको सक्रिय पहलमा चौकीलाई पुनः सञ्चालनमा ल्याइएको छ ।
यस क्रममा समितिले प्रहरीलाई ड्यूटी प्रयोजनका लागि एक थान मोटरसाइकलसमेत हस्तान्तरण गरेको छ । प्रहरीलाई सधैं सहयोग गर्न आफूहरु प्रतिबद्ध रहेको संयोजक चौलागाईंले बताए ।