काठमाडौं । गृहमन्त्री ओमप्रकाश अर्याल प्रहरी प्रधान कार्यालय, नक्साल पुगेर निरीक्षण गरी ब्रिफिङ लिएका छन् ।
नयाँ गृहमन्त्रीले प्रहरी प्रधान कार्यालय पुगेर निरीक्षण गर्ने परम्परामा उनी बिहीबार बिहान प्रधान कार्यालय पुगेका हुन् ।
उनलाई प्रहरीका कामकारबाहीका बारेमा जानकारी गराइएको छ । ब्रिफिङपछि सम्बोधन गर्दै उनले अहिलेको कठिन अवस्थामा उच्च मनोबलका साथ खटिन निर्देशन दिएका छन् ।
मन्त्रालयको तर्फबाट प्रहरीलाई सक्दो सहयोग हुने भन्दै उनले उपलब्ध स्रोत साधनको अधिकतम सदुपयोग गरेर अघि बढ्नुपर्नेमा जोड दिएका छन् ।