काठमाडौं । प्रधानसेनापति अशोकराज सिग्देल र प्रधानमन्त्री सुशीला कार्की भेटवार्ता भएको छ।
सिंहदरबारस्थित प्रधानमन्त्री तथा मन्त्रीपरिषद्को कार्यालयमा पुगेर प्रधानसेनापति सिग्देलले प्रधानमन्त्री कार्कीसँग भेटवार्ता गरेका हुन् ।
भेटवार्ताका क्रममा देशको पछिल्लो शान्ति सुरक्षाको अवस्थाबारे छलफल भएको बताइएको छ ।
जेनजी आन्दोलनबाट केपी शर्मा ओलीको सरकार ढलेपछि नेपाली सेनाको पहलमा कार्कीलाई प्रधानमन्त्री बनाइएको थियो ।
कार्की प्रधानमन्त्री बनेपछि प्रधानसेनापति सिग्देलसँग भएको भेटलाई अर्थपूर्ण रुपमा हेरिएको छ ।