काठमाडौं । ऊर्जा, जलस्रोत तथा सिँचाइमन्त्री कुलमान घिसिङले निर्णायक कदम चालेका छन् ।
नेपाल विद्युत प्राधिकरणमा कार्यकारी निर्देशक रहँदा कार्यसम्पादन मूल्यांकनमा उनलाई शून्य अंक दिने सहसचिव जीवछ मण्डललाई विद्युत विकास विभागको महानिर्देशक पदबाट हटाइएको हो ।
करिब डेढ महिनाअघि तत्कालीन ऊर्जा मन्त्री दिपक खड्काले मण्डललाई मन्त्रालयबाट सरुवा गरी महानिर्देशकमा पठाएका थिए । तर, घिसिङ ऊर्जा मन्त्रीमा नियुक्त भएपछि शीर्ष तहमा व्यापक सरुवा–बदली अभियान थालेका छन् ।
शुक्रबार मन्त्रिस्तरीय निर्णयमार्फत मण्डललाई विभागबाट मन्त्रालयमा फिर्ता बोलाइयो भने उनको स्थानमा मनदेवी श्रेष्ठलाई नियुक्त गरिएको छ ।