अनलाइन नेपाल
काठमाडौं । इंग्लिस प्रिमियर लिग अन्तर्गत गएराति भएको खेलमा लिभरपुलले संघर्षपूर्ण जीत निकालेको छ । खेलमा लिभरपुलले वेस्टह्याम युनाइटेडमाथि ३–२ को संघर्षपूर्ण जित निकालेको हो ।
घरेलु मैदानमा भएको खेलमा नवौं मिनेटमा जर्जिनियो विज्नाल्डमले गो गर्र्दै लिभरपुललाई अग्रता दिलाएका थिए ।
वेस्टह्यामका लागि १२ औं मिनेटमा इसा डिओपले बराबरी गोल गरे । ५४ औं मिनेटमा फोर्नाल्सले गोल गर्दै वेस्टह्यामलाई अग्रता दिलाए । पछि परेको लिभरपुलका लागि ६८ औं मिनेटमा मोहम्मद सालहले बराबरी गोल गरे भने ८१ औँ मिनेटमा सादियो मानेले गोल गरेपछि लिभरपुल ३–२ ले विजयी भयो ।
लिभरपुलले प्रिमियर लिगमा लगातार धेरै खेल जित्ने कीर्तिमानमा बराबरी गरेको छ । उसले पछिल्ला १८ खेलमा लगातार जित निकालेको छ ।
हिमचुली मिडिया प्रा. लि.
इमेल: mail.onlinenepal@gmail.com
फोन नम्बर: +977- 01-4526373 (9851137729, 9851148387)
ठेगाना: न्यू प्लाजा, पुतलीसडक, काठमाडौं
दर्ता नम्बर: 1695/076/077
