Jul 23 2026 | २०८३, श्रावण ७ गते
23 Jul 2026 | बिहिवार, श्रावण ७ गते २०८३
बिहिवार, श्रावण ७ गते २०८३
Jul 23 2026 | २०८३, श्रावण ७ गते
23 Jul 2026 | बिहिवार, श्रावण ७ गते २०८३
बिहिवार , श्रावण ७, २०८३
काठमाडौं । धितोपत्रसम्बन्धी कसुरका फरार प्रतिवादी मृगेन्द्रनाथ रिमाल पक्राउ परेका छन्।
नेपाल प्रहरीको केन्द्रीय अनुसन्धान ब्युरो (सीआईबी)को टोलीले बिहीबार काठमाडौंको सिफल क्षेत्रबाट रिमाललाई पक्राउ गरेको हो।
सीआईबीका अनुसार उनी बिमा ऐन, २०७९ र धितोपत्रसम्बन्धी ऐन, २०६३ अन्तर्गतको कसुरमा फरार रहेका थिए।
प्रहरी अनुसन्धानअनुसार हिमालय रिइन्स्योरेन्सको नाममा भएको कथित इन्साइडर ट्रेडिङ प्रकरणमा मृगेन्द्रनाथ रिमालले नेपाल माइक्रो इन्स्योरेन्स कम्पनीको दुरुपयोग गरेको आरोप छ।
कम्पनीको ३ अर्ब ७३ करोड ८५ लाख रुपैयाँ लगानीकर्ताको हितविपरीत प्रयोग गरिएको अभियोगमा रिमालसहित अन्य पदाधिकारीविरुद्ध १६ करोड १७ लाख ५२ हजार रुपैयाँ बिगो दाबी गरिएको छ।
उक्त प्रकरणमा व्यवसायी दीपक भट्ट र सुलभ अग्रवाल समेत मुछिएका छन्।
भट्टविरुद्ध २ अर्ब ८९ करोड २० लाख रुपैयाँ, अग्रवालविरुद्ध ३ अर्ब ७३ करोड ८५ लाख रुपैयाँ लगायत अर्बौँ रुपैयाँ बिगो दाबी गरिएको छ। उनीहरु सम्पत्ति शुद्धीकरण कसुरमा हाल पुर्पक्षका लागि थुनामा छन्।
© 2026 All right reserved to onlinenepal.com
Design & Developed By
