काठमाडौँ । कालीमाटीस्थित महिला बालबालिका तथा जेष्ठ नागरिक केन्द्र (महिला सेल)मा कार्यरत १८ जना प्रहरीको कोरोना परीक्षण रिपोर्ट नेगेटिभ आएको छ ।

१८ जनाको रिपोर्ट नेगेटिभ आएको एक प्रहरी अधिकारीले बताए । बुधबार स्वास्थ्य परीक्षण गरिएकोमा उनीहरुको रिपोर्ट शुक्रबार आएको हो । अब सील गरिएका अन्य सबे प्रहरी युनिटमा कार्यरत करीब २ सय जनाको स्वास्थ्य परीक्षण आइतबार बिहान गर्ने तयारी छ ।

महानगरीय प्रहरी वृत्त कालीमाटीमा कार्यरत २ जना प्रहरीमा कोरोना संक्रमण देखिएपछि कालीमाटी वृत्त तथा सँगै रहेका महानगरीय ट्राफिक प्रहरी वृत्त, महिला सेल तथा अन्तर्गतका ९ वटा प्रहरी युनिट बुधबार सिल गरिएको थियो ।