विराटनगर । सुनसरी हिरासतमा रहेका २१ थुनुवालाई कोरोना संक्रमण पुष्टि भएको छ । आइतबार स्वाब संकलन गरिएका २१ थुनुवामा कोरोना संक्रमण पुष्टि भएको जिल्ला प्रहरी कार्यालय सुनसरीका प्रहरी प्रमुख एसपी कमल थापाले जानकारी दिए ।

संक्रमण पुष्टि भएकाहरु हत्या, बलात्कार, लागूऔषध, सवारी ज्यानलगायत मुद्धाका प्रतिवादी हुन् । उनीहरुलाई थुनुवाबाटै कोरोना सरेको आशंका गरिएको छ । केही दिनअघि कारागार चलान भएका एकजना थुनुवामा संक्रमण देखिएको प्रहरीले जनाएकाे छ ।