काठमाडौं । महानगरीय प्रहरी वृत्त, ठिमीका दुई जना थुनुवामा कोरोना भाइरसको संक्रमण पुष्टि भएको छ । ठगी मुद्दामा पक्राउ परेका दुई जनामा बिहीवार कोरोना संक्रमण देखिएको छ।
‘उनीहरूको केही दिनअघि स्वाब लिइएको थियो,’ वृत्तका प्रहरी नायब उपरीक्षक ऋषिराम कँडेलले भने, ‘बिहीवार पोजेटिभ देखिएको हो।’ उनका अनुसार थिमीका स्थानीय ३६ र ३८ वर्षीय पुरूषलाई ठगी मुद्दामा पक्राउ गरिएको थियो।
उनीहरू साउन २८ र २९ गते पक्राउ परेका थिए। वृत्तको थुनामा उनीहरूसहित सात जना थिए। ‘उनीहरू सात जना एउटै कोठामा राखेका थियौं, आजबाट हामीले छुट्टाएर राखेका छौं,’ डिएसपी कँडेलले भने ।
Leave a Reply