काठमाडौं । नेपालमा पछिल्लो २४ घण्टामा काेराेना भाइरसकाे संक्रमणबाट थप ६ जनाको मृत्यु भएको छ । याेसँगै कोरोना संक्रमणबाट मृत्यु हुनेकाे संख्या ३१२ पुगेको स्वास्थ्य तथा जनसंख्या मन्त्रालयले जनाएको छ ।
यो कुल संक्रमितको ०.६३ प्रतिशत हो । पछिल्लाे २४ घण्टामा मृत्यु हुनेमा ३ जना महिला र ३ जना पुरुष रहेका छन् । मृत्यु हुने पुरुषहरुमा काठमाडौंका ६७ वर्षीय पुरुष, अर्घाखाँचीका ४२ वर्षीय पुरुष र नवलपरासीका ६४ वर्षीय पुरुष रहेका छन् । भने कोरोनाबाट मृत्यु हुने महिलाहरुमा काठमाडौंकी ८३ वर्षीया, कास्कीकी ७३ वर्षीया र बाँकेकी ८० वर्षीया महिला रहेका छन् ।
नेपालमा थप १ हजार ८१ जनामा काेराेना भाइरस संक्रमण पुष्टि भएको छ । बुधबारको नियमित प्रेस ब्रिफिङमा स्वास्थ्य मन्त्रालयका प्रवक्ता डा. जागेश्वर गौतमले पछिल्लो २४ घण्टामा देशभर १ हजार ८१ जनामा काेराेना संक्रमण देखिएकाे जानकारी दिए । याेसँगै नेपालमा काेराेना संक्रमितको कुल संख्या ४९,२१९ पुगेको पनि जानकारी दिए ।
Leave a Reply