Jun 09 2026 | २०८३, जेठ २६ गते
09 Jun 2026 | मंगलवार, जेठ २६ गते २०८३
मंगलवार, जेठ २६ गते २०८३
Jun 09 2026 | २०८३, जेठ २६ गते
09 Jun 2026 | मंगलवार, जेठ २६ गते २०८३
काठमाडौं । प्रधानमन्त्री निवास बालुवाटारमा आज नेकपा एमालेको संसदीय दल र केन्द्रीय समिति बैठक बस्ने भएको छ ।
संसदीय दलको बैठक बिहान साढे १० बजे बोलाइएको छ भने केन्द्रीय समिति बैठक दिउँसो १ बजेका लागि बोलाइएको छ ।
सर्वोच्च अदालतले नेकपाको एकतालाई खारेज गर्दै एमाले र माओवादी केन्द्र नै बनाइदिएपछि एमालेमा फेरि दुई समूह खडा भएको छ ।
अहिले एमालेमा प्रधानमन्त्री केपी शर्मा ओली पक्ष र माधवकुमार नेपाल–झलनाथ खनाल पक्ष गरी दुई पक्ष छ ।
प्रधानमन्त्री एमव् नेकपा अध्यक्ष ओलीले माधव नेपाल पक्षका नेताहरुको जिम्मेवारी खोसेर प्रदेशदेखि केन्द्रसम्म आफ्ना पक्षका नेताहरुलाई जिम्मेवारी दिइसकेका छन् । जसले गर्दा पनि नेपाल–खनाल पक्ष विच्किएको छ ।
आज भने प्रधानमन्त्री एवम् नेकपा अध्यक्ष ओलीले सरकार र पार्टीका विषयमा थप छलफल गर्ने बैठक बोलाएको बताइएको छ ।
संसदीय दलको विधान संशोधन गर्ने तयारी गरेको समेत बताइएको छ ।
प्रमुख सचेतक विशाल भट्टराईका अनुसार दलको विधान २०७२ कै छ, जसमा भएका कतिपय व्यवस्था नयाँ संविधानअनुसार मिलाउनुपर्नेछ ।
यद्यपी नेपाल–खनाल पक्ष भने ओलीले बालुवाटारमा बोलाएको बैठकमा नजाने भएको छ ।
शुक्रबार काठमाडौंमा बसेको नेपाल–खनाल पक्षको बैठकले ओलीले बोलाएका दुवै बैठक बहिष्कार गर्ने निर्णय गरेको थियो ।
यता, कुनै पनि बैठकमा अनुपस्थित हुँदै आएका उपाध्यक्ष वामदेव गौतमले आफू केपी ओलीले बोलाएको आजको बैठकमा सहभागी हुने जानकारी गराएका छन्।
© 2026 All right reserved to onlinenepal.com
Design & Developed By
