Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार, जेठ २१ गते २०८३
Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
काठमाडौं । चीनले नेपाल सरकारलाई अनुदानमा उपलब्ध गराएको थप ५ सय ७५ थान अक्सिजन सिलिण्डर काठमाडौँ आइपुगेको छ ।
आज दिउँसो ५ सय ७५ थान सिलिण्डर आइपुगेको नेपाल वायुसेवा निगमका महाप्रबन्धक डिमप्रकाश पौडेलले जानकारी दिए ।
आइतबार आएका ४ सय र सोमबार आएका ५ सय ७५ गरी चीनबाट नेपालमा ९ सय ७५ थान अक्सिजन सिलिण्डर आइपुगेको महाप्रबन्धक पौडेलले बताए । पौडेलका अनुसार सिलिण्डरसँगै १ सय ५७ वटा अक्सिजन कन्सनट्रेटर पनि आइपुगेको छ ।
पौडेलले वायु सेवा निगमको जहाज आज राति चीनको राजधानी बेइजिङ गएर भोलि पुनः अक्सिजन र कन्सन्ट्रेटर लिएर आउने जानकारी दिए । यस्तै, भोलि राति पुनः गएर पर्सी पनि स्वास्थ्य सामग्री ल्याउने तालिका रहेको बताए ।
यसअघि निगमको जहाजले ओमानको राजधानी मस्कटबाट समेत ५ सय ५० वटा अक्सिजन सिलिण्डर नेपाल ल्याएको छ ।
© 2026 All right reserved to onlinenepal.com
Design & Developed By
