कैलाली। इलाका प्रहरी कार्यालय टिकापुरले लागूऔषध खैरो हिरोइनसहित २ जना युवतीलाई पक्राउ गरेको छ ।

पक्राउ पर्नेहरुमा टीकापुर नगरपालिका ७ का २४ बर्षीया दिलु पाण्डे र १६ बर्षीया राधा पाण्डे रहेका छन्। उनीहरु दुबैलाई सोमबार दिउँसो प्रहरी चौकी कालाकुण्डाबाट खटिएको प्रहरीको टोलीले पक्राउ गरेको इलाका प्रहरी कार्यालय टीकापुरका प्रमुख एवम् प्रहरी नायव उपरीक्षक मधुसुदन न्यौपानेले जानकारी दिए ।

न्यौपानेका अनुसार उनीहरुको साथबाट करिब ९।९५० ग्राम लागूऔषध खैरो हिरोइन बरामद गरिएको छ। पक्राउ परेका उनीहरुमाथि म्याद थप गरी अनुसन्धान गरिने उनले बताए ।