Jun 05 2026 | २०८३, जेठ २२ गते
05 Jun 2026 | शुक्रवार, जेठ २२ गते २०८३
शुक्रवार, जेठ २२ गते २०८३
Jun 05 2026 | २०८३, जेठ २२ गते
05 Jun 2026 | शुक्रवार, जेठ २२ गते २०८३
रामनारायण यादव / जनकपुरधाम । जिल्ला प्रहरी कार्यालय धनुषाको हिरासतमा एक जना थुनुवाले आत्महत्या गरेका छन् । बिहीबार बिहान ती थुनुवाले आत्महत्या गरेका हुन् ।
धनुषाको लक्ष्मीनिया गाउँपालिका वडा नम्वर २ सिनुरजोडा बस्ने ४० वर्षीय पल्टु रवि दासको शव जिल्ला प्रहरी कार्यालय धनुषाको हिरासतको शौचालयमा झुण्डिएको अवस्थामा शुक्रबार बिहान फेला परेको हो ।
उनले शौचालयको भेन्टिलेशनमा आफ्नै गञ्जीले पासो लगाई आत्महत्या गरेको जिल्ला प्रहरी कार्यालय धनुषाका प्रहरी प्रवक्ता एवं डिएसपी मकेन्द्र कुमार मिश्रले जानकारी दिए ।
भाइसंगको अपसी विवादमा ज्यान मार्ने उद्योग तथा अंगभंग मुद्दामा पक्राउ परेका रवि दासलाई धनुषा जिल्ला अदालतले २ लाख रुपैयाँ धरौटीमा छाड्न आदेश दिएको थियो ।
आर्थिक अवस्था कारण धरौटी बुझाउन नसक्दा अदालतले उनलाई सिन्धुली कारागार पठाउन आदेश दिएको थियो । कारागार लैजानकै लागि हिरासतमा राखिएका रवि दास तनावमा आत्महत्या गरेको प्रहरीको अनुमान छ । घटनाको बारेमा थप अनुसन्धान भई रहेको उनले बताए ।
© 2026 All right reserved to onlinenepal.com
Design & Developed By
