Jul 22 2026 | २०८३, श्रावण ६ गते
22 Jul 2026 | बुधवार, श्रावण ६ गते २०८३
बुधवार, श्रावण ६ गते २०८३
Jul 22 2026 | २०८३, श्रावण ६ गते
22 Jul 2026 | बुधवार, श्रावण ६ गते २०८३
काठमाडौँ । प्रहरीको केन्द्रीय अनुसन्धान ब्यूरो (सीआईबी)ले बैकिङ कसूरमा संलग्न रहेको अभियोगमा एक जनालाई पक्राउ गरेको छ ।
पक्राउ पर्नेमा काभ्रे जिल्ला भुम्लु गाउँपालिका भइ सिन्धु विकास बैंक लि. दोलालघाट शाखामा कार्यरत ३१ बर्षीय सुमन खरेल रहेका छन्। सीआईबीले खरेललाई सोमबार पक्राउ गरेको हो ।
सीआईबीका अनुसार बैंकिङ कारोबारबाट जम्मा भएको मौज्दात रकमलाई एन. सि. सि. बैंक सिन्धुपाल्चोक, बाह्रविसे शाखामा रहेको सिन्धु विकास बैंक लि.को खातामा नियमित रुपमा जम्मा गर्ने गरिएको थियो । तर, सिन्धुका शाखा प्रमुख समेत रहेका खरेलले एक करोड उनासी लाख नब्बे हजार आठ सय पचपन्न रुपैयाँ एन. सि. सि. बैंकको खातामा जम्मा नगरि आफ्नो खातामा जम्मा गरेको सीआईबीले जनाएको छ ।
बैंकको रकम आफुले निकालेर बैंकिङ सम्पति हिनामिना गरेको भन्दै सीआईबीले खरेललाई पक्राउ गरेको जनाएको छ ।
सीआईबीका अनुसार पक्राउ परेका खरेललाई उच्च अदालत पाटनबाट सात दिनको म्याद थप गरी बैंकिङ कसुर तथा सजाय ऐन, २०६४ बमोजिम आवश्यक कानूनी कारवाही भइरहेको छ।
© 2026 All right reserved to onlinenepal.com
Design & Developed By
