एजेन्सी । सेप्टेम्बर २०२० मा आफ्नो प्रेमी साम बम्बेसँग विवाह गरेकी बलिउड अभिनेत्री पूनम पाण्डे विवाहको सन्दर्भमा कठिन चरणबाट गुज्रिरहेका छन् । उनले श्रीमानविरुद्ध शारीरिक दुव्र्यवहार गरेको उजुरी दिएकी थिइन् । उनी ‘नशा’ फेम नायिकाले सामसँग अलग भएको कुरा खोल्दै आफु उपचार गराइरहेको खुलासा गरेकी छन् ।

हालै स्पटबोयसँगको कुराकानीमा पूनम पाण्डेले भनिन्, ‘म एकदमै राम्रो गरिरहेको छु । म साम बम्बेको बारेमा अहिले धेरै कुरा गर्न चाहन्न किनकि म अहिले उपचार गराइरहेको छु। म एक चिकित्सक कहाँ जाँदैछु। जब उनी अरू कसैलाई डेट गर्न जान्छिन् कि भनेर सोध्दा उनले भनिन्, ‘होइन, पटक्कै होइन। हुनसक्छ अब पाँच वर्ष पछि, तर अहिलेको लागि, म पक्कै पनि कसैसँग डेट गर्ने सोच्न सक्दिन।’

पुनमले नोभेम्बर ८, २०२१  मा आफ्ना पति साम बम्बे विरुद्ध आक्रमण र उत्पीडनको आरोपमा एफआईआर दर्ता गरेकी थिइन् । यसअघि विवाहको केही महिनापछि पुनमले साम बम्बेविरुद्ध शारीरिक उत्पीडनको उजुरी दिएकी थिइन् ।

उनीमाथि आईपीसीको धारा ३२३, ३५४, ५०४ र ५०६ (ii) अन्तर्गत आरोप लगाइएको थियो।