कैलाली । सुदूरपश्चिम प्रदेशमा एकैदिन ५ सय ६५ जनामा कोरोना भाइरसको संक्रमण पुष्टि भएको छ। स्वास्थ्य निर्देशनालय दीपायलका अनुसार २ हजार २५० जनाको परीक्षण गर्दा ५ सय ६५ जनामा संक्रमण पुष्टि भएको हो।
३ सय ७१ जना एन्टिजेन र १ सय ९४ जनाको पीसीआरमार्फत संक्रमण पुष्टि भएको निर्देशनालयले सार्वजनिक गरेको तथ्यांकमा उल्लेख छ।
आज थपिएकामध्ये १ सय ६८ जना संक्रमित भने आजै भारतबाट आएका नागरिक हुन्। त्रिनगर–गौरीफन्टा नाकाबाट आएका ८७, गड्डाचौकी नाकाबाट आएका ७४, जुलाघाटबाट आएका ५ र पुलघाटबाट फर्केका दुईजनामा संक्रमण पुष्टि भएको छ।
आज सुदूरपश्चिमका नाका भएर १ हजार ५५४ जना स्वदेश फर्केका छन्। योसंगै प्रदेशमा सक्रिय संक्रमतिको संख्या तीन हजार तीन सय नाघेको छ।
निर्देशनालयले तीन हजार ३९३ जना सक्रिय संक्रमित रहेको जनाएको छ। सबैभन्दा बढी कैलालीमा १ हजार ९६९ जना सक्रिय संक्रमित रहेका छन्।
Leave a Reply