काठमाडौं । काठमाडौंको शंखरापुर नगरपालिका–३, साँखु बोझेनीमा आफ्नै घरभित्र एक दम्पती मृत भेटिएका छन् ।

५२ वर्षीय पदमबहादुर थिङ र उनकी श्रीमती ४५ वर्षिया फुलमाया थिङ बिहीबार बिहान मृतावस्थामा भेटिएका हुन् ।

साँखु प्रहरीका अनुसार आफ्नै घरमा आगो बालेर सुतेका उनीहरूको निसासिएर मृत्यु भएको अनुमान गरिएको छ । घरमै कोइला बालेर सुतेका उनीहरू बिहान मृत भेटिएका थिए ।

उनका छोराले प्रहरीलाई खबर गरेपछि प्रहरी टोली घटनास्थल पुगेका छन् । घटनाको अनुसन्धान गर्न महानगरीय प्रहरी प्रभाग साँखु र महानगरीय प्रहरी वृत्त बौद्धको टोली पुगेको छ।