काठमाडौं । नेपालका लागि अमेरिकी राजदूत र्‍यान्डी बेरीले अमेरिकी सहयोग परियोजना कर्पोरेशन (एमसीसी) सम्झौताका नाममा हुने हिंसात्मक गतिविधिलाई स्वीकार्न नसकिने बताएका छन् ।

एमसीसी अनुमोदनका लागि दबाब दिँदै आएको अमेरिकाले परियोजनाविरुद्ध हिंसात्मक प्रदर्शन हुन थालेपछि अमेरिकी राजदूत बेरीले हिंसालाई उक्सकाउने गतिविधि कदापि नस्वीकार्ने बताए ।

सामाजिक सञ्जालमार्फत् उनले भनेका छन्, ‘हामी वाक स्वतन्त्रता र तथ्यमा आधारित खुला बहसको बलियो समर्थक हौं। एमसीसीको विषयमा पनि हाम्रो धारणा त्यही हो। आफ्नो विचार व्यक्त गर्न पाउनु लोकतन्त्रको अन्तरनिहित विषयवस्तु हो र सबैलाई आफ्नो धारणा शान्तिपूर्वक राख्न छुट हुनुपर्छ। तर हिंसा या हिंसा भड्काउने किसिमका विचारहरू स्वीकार्य हुँदैनन्।’

पछिल्लो समय एमसीसी संसदमा टेबल गर्ने कुराले दिनहुँ हजारौंले प्रदर्शन भइरहेका छन्।