Jun 07 2026 | २०८३, जेठ २४ गते
07 Jun 2026 | आइतवार, जेठ २४ गते २०८३
आइतवार, जेठ २४ गते २०८३
Jun 07 2026 | २०८३, जेठ २४ गते
07 Jun 2026 | आइतवार, जेठ २४ गते २०८३
रामनारायण यादव / जनकपुरधाम । नेपाली कांग्रेस धनुषाको जिल्ला सभापति पदका लागि पुनः निर्वाचन हुने भएको छ ।
सोमबार भएको निर्वाचनको मतगणनाबाट कुनै पनि उम्मेदबारले ५१ प्रतिशत मत ल्याउन नसकेपछि दोस्रो चरणको निर्वाचन हुने भएको छ ।
सभापति पदका लागि योगनारायण पञ्जियार, सन्तोष यादव र दिनेश प्रसैलाले प्रतिस्पर्धा गरेका थिए । सोमबार भएको निर्वाचनबाट पञ्जियारले सबैभन्दा बढी १ हजार २ सय ४८ मत ल्याए । सन्तोष यादवले ८ सय ८२ र दिनेश प्रसैलाले ६ सय ३० मत ल्याएका थिए ।
कांग्रेसको विधान अनुसार कसैले पनि ५१ प्रतिशत मत नल्याएका कारण अब बढी मत ल्याउने दुई जना (पञ्जियार र यादव)बीच पुनः प्रतिस्पर्धा हुने छ ।
सभापति पदका लागि बिहीबार बिहान ८ बजेदेखि पुनः निर्वाचन हुने निर्वाचन समितिले जनाएको छ ।
सन्तोष संस्थापन पक्षका पंजियार बिमलेन्द्र निधि पक्षका र चुनावी दौडबाट बाहिरिएका प्रसैला डा. शेखर कोइराला पक्षबाट उम्मेदवारी दर्ता गराई चुनावि मैदानमा उत्रिएका थिए ।
© 2026 All right reserved to onlinenepal.com
Design & Developed By
