काठमाडौं । काठमाडौंबाट बेवारिसे अवस्थामा ७ थान बुलेट मोटरसाइकल बरामद गरिएको छ ।

उपत्यकाका बिभिन्न स्थानहरूमा भारतीय नाकाबाट भन्सार छली ल्याइएका २१ लाख बराबरको रोयल इनफिल्ड कम्पनीका बुलेट मोटरसाइकलहरू बरामद  गरिएको हो ।

विशेष सूचनाको आधारमा महानगरीय अपराध महाशाखाबाट खटिएको प्रहरी टोलीले बिहीबार उक्त मोटरसाइकलहरू बरामद गरेको हो  ।

आवश्यक कारबाहीको लागी त्रिभुवन अन्तराष्ट्रिय भन्सार कार्यालय गौचरण  काठमाण्डौ पठाइएको महाशाखाले जनाएको छ ।