एजेन्सी । रूसी राष्ट्रपति भ्लादिमिर पुटिन इरान जाने भएका छन् ।
रूसी राष्ट्रपति कार्यालय क्रेमलिनका अनुसार पुटिन अर्को मंगलबार इरानको राजधानी तेहरान जान लागेका हुन् ।
तेहरानमा पुटिनले टर्कीका राष्ट्रपति रेसेप ताय्यिप एर्दोगन र इरानका राष्ट्रपति इब्राहिम रैसीसँग त्रिपक्षीय वार्ता गर्नेछन्। पुटिनले टर्किस राष्ट्रपतिसँग बेग्लै भेट्ने कार्यक्रम पनि छ।
गत फेब्रुअरी २४ मा पुटिनको निर्देशनमा रूसले छिमेकी युक्रेनमाथि आक्रमण गरेको थियो ।