बैंकिङ्ग कसुर मुद्दामा ४२ लाख जरिवाना तोकिएका बुढाथोकी पक्राउ

काठमाडौं । खातामा रकम नभएको चेक दिएर ठगेको आरोपमा ४२ लाख जरिवाना तोकिएका एकजनालाई प्रहरीले पक्राउ गरेको छ ।

पक्राउ पर्नेमा रामेछापको मन्थली नगरपालिका–७ घर भएर काठमाडौंको बानेश्वर बस्ने निरज बुढाथोकी छन् ।

केन्द्रीय अनुसन्धान ब्यूरो (सीआईबी) को टोलीले ३९ वर्षीय बुढाथोकी लाई कोटेश्वरबाट पक्राउ गरेको हो ।

उच्च अदालत पाटनले २०७७ पुसमा बुढाथोकीलाई ४२ लाख जरिवाना र ८ दिन कैद सजाय हुने फैसला गरेको थियो ।

फैसलापछि उनी फरार थिए । निरजले दिएको सेन्चुरी बैंक कोटेश्वर शाखाको चेक बाउन्स भएपछि पीडितले उनीविरुद्ध उजुरी हालेका थिए ।

प्रतिक्रिया दिनुहोस्

नयाँ अपडेट