Jun 07 2026 | २०८३, जेठ २४ गते
07 Jun 2026 | आइतवार, जेठ २४ गते २०८३
आइतवार, जेठ २४ गते २०८३
Jun 07 2026 | २०८३, जेठ २४ गते
07 Jun 2026 | आइतवार, जेठ २४ गते २०८३
कैलाली । कैलालीमा प्रहरीले पक्राउ गरेर ल्याउँदै गर्दा नदीमा हामफालेर हतकडीसहित फरार भएका अभियुक्तलाई पक्राउ गरेको छ ।
जिल्ला प्रहरी कार्यालय कैलालीका अनुसार हतकडीसहित नदीमा हामफालेका २८ वर्षीय शंकर चौधरीलाई साँझ ७ः२५ बजे जोशीपुर ४ हसनापुर भन्ने स्थानबाट फेला पारी पक्राउ गरिएको हो ।
शुक्रबार दिउँसो जोशीपुर गाउँपालिका ४ बाणीका चौधरीलाई प्रहरीले पक्राउ गरेर एउटा हातमा मात्रै हतकडी लगाएर प्रहरी कार्यालय लैजाने क्रममा नदीमा हामफालेका थिए ।
उनी केराबारीमा लुकेको अवस्थामा पक्राउ गरिएको जिल्ला प्रहरी कार्यालय कैलालीका प्रवक्ता तथा प्रहरी नायव उपरीक्षक वेदप्रकाश जोशीले जानकारी दिए ।
फरार चौधरीलाई खोज्न ईलाका प्रहरी कार्यालय जोशीपुर र ईलाका प्रहरी कार्यालय भजनीबाट प्रहरी निरीक्षकको कमाण्डमा टोली खटिएको थियो । प्रहरीले उनको घरमा समेत खानतलासी गरेको छ ।
घरबाट ४७ किलो गाँजा बरामद गरेको डीएसपी जोशीले बताए । शंकरविरुद्ध उनका बुबा शम्भुले जाहेरी दिएका थिए । उनले कुटपिट गरेका बाबुको आरोप छ ।
© 2026 All right reserved to onlinenepal.com
Design & Developed By
