गोरखा । गोरखामा १५ वर्षीया किशोरीलाई बलात्कार गरेको आरोपमा नेपाली सेनाका अमल्दार पक्राउ परेका छन् ।

पक्राउ पर्नेमा बागलुङ गल्कोट–११ घर भइ हाल नेपाली सेनाको वेनिघाट–आरुघाट सडक निर्माण कार्यदलमा कार्यरत नेपाली सेनाका अमल्दार मनबहादुर राना रहेका छन् ।

गएको शनिबार १५ वर्षीया किशोरीलाई बलात्कार गरेको रानामाथि आरोप लागेको छ । किशोरीलाई बलात्कार गरेको घटना सार्वजनिक भएपछि रानालाई स्थानीयले नियन्त्रणमा लिएर प्रहरीलाई बुझाएका थिए ।

उनीविरुद्ध सोमबार जबर्जस्ती करणी मुद्दामा जिल्ला अदालतबाट म्याद थप गरिएको जिल्ला प्रहरी कार्यालय गोरखाले जनाएको छ । उनीमाथि थप अनुसन्धान भइरहेको बताइएको छ ।