काठमाडौं । महाअभियोग सिफारिस समितिको बैठक आज पनि बस्दैछ ।

आजको बैठकले प्रतिवेदनको सम्बन्धमा निर्णय गर्ने महाअभियोग सिफारिस समितिका प्रवक्ता लक्ष्मीप्रसाद गौतमले जानकारी दिए ।

समितिले निलम्बित प्रधानन्यायाधीश चोलेन्द्रशमशेर राणासँग बयान लिएर तयार पारिएको प्रतिवेदन आज बुझाउँदै छ ।
संसद् शनिबार राति १२ बजे सकिने भएकाले समितिले शनिबार नै संसद्‍मा प्रतिवेदन बुझाउने तयारी गरेको हो ।

शुक्रबार राणालाई पहिलाकै प्रश्नमा केही अस्पष्ट विषयहरु सोधेर प्रतिवेदनलाई अन्तिम रुप दिएको र शनिबार बुझाउने तयारी गरिएको बताइएको छ ।

राणाविरुद्ध गत फागुन १ गते प्रतिनिधि सभाका ९८ सांसदले महाभियोग प्रस्ताव दर्ता गरेका थिए।