काठमाडौं । मोटरसाइकल चोरी गरेको आरोपमा एकजना पक्राउ परेका छन् ।

पक्राउ पर्नेमा काभ्रेपलाञ्चोकको चौरीदेउराली गाउँपालिका-१ वाङथली घर भई हाल काठमाडौं महानगरपालिका-६ बौद्ध बस्‍ने २७ वर्षीय पेमा तामाङ रहेका छन् ।

उनले बालाजु बाइपास तरूण स्कुल नजिक सडक किनारमा पार्किङ गरी राखेको बागमती प्रदेश ०२-०२४ प८५५० नम्बरको २२० सीसीको पल्सर मोटरसाइकल चोरी गरेको प्रहरीले जनाएको छ ।

काठमाडौं उपत्यका अपराध अनुसन्धान कार्यालयको टोलीले गोकर्णेश्वरको नयाँबस्तीबाट मोटरसाइकलसहित उनलाई पक्राउ गरेको हो ।

पक्राउ परेका उनीमाथि थप अनुसन्धान तथा कारबाहीका लागि प्रहरी वृत बालाजु पठाइएको बताइएको छ ।