काठमाडौं । सिट बाँडफाँटका लागि आज बसेको गठबन्धनको बैठक निष्कर्षविहीन बनेको छ । मंगलबार साँझ बालुवाटारमा बसेको बैठकमा सहमति जुट्न नसकेको हो । बैठकमा मङ्सिर ४ गते हुने प्रतिनिधिसभातर्फ १६५ मध्ये सय सिटमा सहमति जुटेको बताइएको छ ।

प्रधानमन्त्री एवम् नेपाली कांग्रेसका सभापति शेरबहादुर देउवाको नेतृत्वमा आज बसेको बैठकमा सय सिटमा सहमति जुटेको नेकपा (एकीकृत समाजवादी) का सम्मानित नेता झलनाथ खनालले जानकारी दिए ।

बैठकमा प्रधानमन्त्री देउवासहित सत्ता सहभागी दलका शीर्ष नेतासहित सिट बाँडफाँट कार्यदलका सदस्यसमेत सहभागी रहेका थिए ।

बैठकमा नेकपा (एकीकृत समाजवादी) का अध्यक्ष माधवकुमार नेपाल, नेकपा (माअ‍ोवादी केन्द्रका) अध्यक्ष पुष्पकमल दाहाल, जनता समाजवादी पार्टीका अध्यक्ष उपेन्द्र यादव र राष्ट्रिय जनमोर्चाका शीर्ष नेता सहभागी थिए ।

बैठक भोलि बिहान ८ बजेका लागि फेरि बोलाइएको छ ।