लमजुङ । लमजुङमा लागुऔषधसहित दुईजना पक्राउ परेका छन् ।
जिल्लाको बेँसीसहर नगरपालिका ८ बस्ने वर्ष २२ का दिपेन गुरुङ र सोही स्थान बस्ने वर्ष ३० का तेज गुरुङलाई पक्राउ गरिएको जिल्ला प्रहरी कार्यालय लमजुङले जनाएको छ ।
उनीहरूलाई आइतबार बेँसीसहर-८ शेराबाट पक्राउ गरिएको हो । उनीहरूको साथबाट डाइजेपाम एम्पुल २९, फेनरगन पिडिकेएन २९, नुफिन एम्पुल २९, कालो रंगको ब्ल्याक बेरी मोबाइल १ थान र कालो रंगको नोकिया लेखिएको मोबाइल १ थान बरामद गरेको लमजुङ प्रहरीले जनाएको छ ।
उनीहरुमाथि थप अनुसन्धान भइरहेको बताइएको छ ।
Leave a Reply