काठमाडौं । नेकपा एमालेले महिनावारी हुने उमेर समूहका देशभरका सम्पूर्ण महिलाका लागि गुणस्तरीय सेनिटेरी प्याड वा अन्य वैकल्पिक साधन खरिदका लागि नगद दिने घोषणा गरेको छ ।

मंगलबार आफ्नो चुनावी घोषणापत्रमार्फत एमालेले त्यस्ता महिलाका लागि १५०० रूपैयाँ उपलब्ध गराउने घोषणा गरेको हो ।

प्रसूति सेवा सुनिश्चित, हवाइ एम्बुलेन्सलगायतको व्यवस्था गर्ने पनि एमालेको घोषणापत्रमा उल्लेख छ ।

होटल याक एन्ड यतिमा आयोजित कार्यक्रममा एमाले अध्यक्ष केपी शर्मा ओलीको हातको पञ्जा ‘स्क्यान’ गरेर घोषणापत्र सार्वजनिक गरिएको थियो। त्यसक्रममा घोषणापत्रको विशेषता सार्वजनिक गरिएको थियो।