Jun 05 2026 | २०८३, जेठ २२ गते
05 Jun 2026 | शुक्रवार, जेठ २२ गते २०८३
शुक्रवार, जेठ २२ गते २०८३
Jun 05 2026 | २०८३, जेठ २२ गते
05 Jun 2026 | शुक्रवार, जेठ २२ गते २०८३
काठमाडौं । वान् एक्स बेट मार्फत सट्टेबाजी गराउने अर्का व्यक्तिलाई पनि प्रहरीले पक्राउ गरेको छ । यसअघि तीन जनालाई पक्राउ गरेको प्रहरीले फेरि लमजुङ घर भइ काठमाडौंको टोखा चण्डेश्वरी बस्ने २६ वर्षीय सुजन गौलीलाई पक्राउ गरेको हो ।
विश्वकप लगायतका अन्तर्राष्ट्रिय खेल प्रतियोगितामा वान् एक्स बेटलगायतका एप मार्फत सट्टाबाजी गराई रकम संकलन गर्ने एजेन्टका रुपमा उनी सक्रिय रहेको खुलेको छ ।
उनलाई बुधबार महानगरपालिका वडा नं.२८ कमलपोखरीबाट नियन्त्रणमा लिइएको काठमाडौं उपत्यका अपराध अनुसन्धान कार्यालयले जनाएको छ ।
गौलीले रकम संकलन र भुक्तानी गरेको आधारमा २५ प्रतिशत कमिसन रकम निर्धारण हुने भएकाले बढी रकम संकलन र भुक्तानीको लोभमा विभिन्न व्यक्तिको नाममा खाता खोली कारोबार गर्ने गरेको पाइएको प्रहरी अनुसन्धानबाट खुलेको छ ।
गौली एक्लैले ईसेवा, आईएमई पे र खल्ती एप्स तथा विभिन्न बैंकिङ प्रणाली मार्फत २ करोड ३६ लाख ३३ हजार १३८ रकम बराबरको कारोबार देखिएको छ ।
यसैगरी विभिन्न व्यक्तिले २६ वटा डिजिटल वालेट तथा बैंकिङ प्रणाली मार्फत ७ करोड ७२ लाख ८९ हजार ४६ रूपैयाँ बराबरको कारोबार गरेको देखिएको र सो सम्बन्धमा थप अनुसन्धान भइरहेको प्रहरीले जनाएको छ ।
© 2026 All right reserved to onlinenepal.com
Design & Developed By
