काठमाडौं । फ्रान्सका फुटबलर करिम बेन्जिमाले अन्तर्राष्ट्रिय फुटबलबाट सन्यास लिएको घोषणा गरेका छन् ।

फ्रान्स अर्जेन्टिनासँग विश्वकप फाइनलमा पराजित भएको भोलिपल्ट सामाजिक संजालमार्फत बेन्जेमाले संन्यास घोषणा गरेका हुन् ।

‘मैले केही प्रयास र गल्तीहरू गरेँ जसले मलाई यो स्थानमा ल्यायो । म जहाँ छु यसमा मलाई गर्व छ !’ उनले लेखेका छन् ।

बेन्जिमा फ्रान्सका लागि कतार विश्वकपको टोलीमा रहेपनि इन्जुरीका कारण खेल्न सकेका थिएनन् ।

बेन्जिमाले फ्रान्सका लागि ३७ गोल गरेका छन् । सामबार उनको ३५औं जन्मदिनसमेत परेको छ ।