काठमाडौं । नेकपा एकीकृत समाजवादीमा अध्यक्ष माधव नेपाल नयाँ सत्ता गठबन्धनमा मिलेर जान सकारात्मक देखिएका छन् ।
सरकारमा जाने वा नजानेबारे सुझाव लिन नेकपा एकीकृत समाजवादीको भर्चुअल बैठक सुरु भएको छ ।
केन्द्रीय सदस्य र जिल्ला अध्यक्षहरु समेत अनलाइनमार्फत बैठकमा जोडिएका छन् । पार्टी कार्यालयमा अध्यक्ष माधव नेपाल सहितका नेताहरुको उपस्थिति छ ।
पार्टीमा सबैको राय बुझेर निर्णय लिने तयारीमा माधव नेपाल छन् । अहिले माधव नेपाल सरकारमा जोडिँदा पुष्पकमल दाहाल सरकार झन मजबुत हुन्छ ।