धनगढी । सुदूरपश्चिम प्रदेश सभाको सभामुख पदका लागि बुधबार दुई जनाको उम्मेदवारी परेको छ ।

नेकपा (एमाले) र नेकपा (माओवादी केन्द्र)बाट माओवादीका प्रदेश सभा सदस्य भीमबहादुर भण्डारी र नेपाली कांग्रेसबाट मानबहादुर रावलको उम्मेदवारी परेको हो ।

प्रदेशसभा सचिवालयले सभामुख मनोनयनका लागि आज दिउँसो २ः३० बजेभित्र मनोनयन दर्ता गर्नुपर्ने समय तालिका बनाएको थियो ।

सोहि समय तालिकाअनुसार नेपाली कांग्रेस र माओवादीबाट प्रदेश सभा सदस्यमा निर्वाचित दुबै सांसदले सभामुखका लागि मनोनयन दर्ता गरेको प्रदेश सभा सचिवालयले जनाएको छ।

सभामुखको निर्वाचन भोलि दिउँसो १ बजे हुनेछ ।