Jun 05 2026 | २०८३, जेठ २२ गते
05 Jun 2026 | शुक्रवार, जेठ २२ गते २०८३
शुक्रवार, जेठ २२ गते २०८३
Jun 05 2026 | २०८३, जेठ २२ गते
05 Jun 2026 | शुक्रवार, जेठ २२ गते २०८३
काठमाडौं । नेपाली कांग्रेसका पदाधिकारी र पूर्वपदाधिकारीको बैठक सुरु भएको छ ।
पार्टी सभापति शेरबहादुर देउवाको निवास धुम्बाराहीमा दिउँसो २ बजेका लागि डाकिएको बैठक केही बेरअघि मात्र सुरु भएको हो ।
बैठकमा पदाधिकारी र पूर्वपदाधिकारी तथा संसदीय दलका प्रमुख सचेतक रमेश लेखक पनि सहभागी छन् ।
पछिल्लो राजनीतिक घटनाक्रममा पार्टीले लिने नीति तथा आउँदो माघ १५ गतेका लागि बोलाइएको केन्द्रीय कार्यसम्पादन समितिको बैठकका एजेन्डाका विषयमा छलफल गर्न देउवाले पदाधिकारी र पूर्वपदाधिकारीको बैठक बोलाएका हुन् ।
कांग्रेसले प्रधानमन्त्रीलाई विश्वासको मत दिएर प्रतिपक्षमा बसेको घोषणा गरेको छ । कांग्रेसले विश्वासको मत प्रधानमन्त्रीलाई दिएदेखि अब सभामुखको निर्वाचनमा कांग्रेसले के गर्छ भन्ने विषयलाई चासोपूर्वक हेरिएको छ ।
प्रतिपक्षमा बस्ने घोषणा गरिसकेपछि सत्ता गठबन्धनबाहेक आफ्नो मत देखाउन पनि उम्मेदवारी दिएर जानुपर्ने विषय कांग्रेसमा उठेको छ । उम्मेदवारी र पात्रका विषयमा पनि छलफल गर्ने कांग्रेसको तयारी छ ।
© 2026 All right reserved to onlinenepal.com
Design & Developed By
