काठमाडौं । दक्षिण अफ्रिकामा जारी रहेको आठौं संस्करणको महिला टी-ट्वान्टी विश्वकप क्रिकेटको दोस्रो सेमिफाइनल खेल आज शुक्रबार हुदैछ ।

दोस्रो सेमिफाइनलमा आयोजक दक्षिण अफ्रिका तथा पहिलो संस्करणको विजेता इंग्ल्याण्डबीचमा खेल हुदैछ । खेल नेपाली समयअनुसार साँझ ६ः४५ मा केपटाउनमा हुनेछ ।

इंग्ल्याण्ड समूह ‘बी’ को शीर्ष स्थानमा रहेको थियो । दक्षिण अफ्रिका समूह ‘ए’ को उपविजेता भएको थियो ।

शुक्रबारको सेमिफाइनलका विजेताले उपाधिको लागि अष्ट्रेलियासँग खेल्नेछ ।

बिहीबार राति साविक विजेता अष्ट्रेलियाले पहिलो सेमिफाइनल खेलमा भारतलाई ५ रनले हराएको थियो ।