जनकपुरधाम । सर्लाहीको लालबन्दीमा बिहान ट्रकको ठक्करबाट मोटरसाइकलमा सवार दुई जनाको मृत्यु भएको छ ।

दुर्घटनामा मोटरसाइकल चालक र पछाडि सवार एक जनाको घटनास्थलमै मृत्यु भएको इलाका प्रहरी कार्यालय लालबन्दीले जनाएको छ ।

बिहिबार बिहान पश्चिमबाट पूर्वतर्फ गइरहेको ना. ३३ प ७५१३ नम्बरको मोटरसाइकललाई प्र. २–०३–००१ ख ८१५ नम्बरको ट्रकले लालबन्दी नगरपालिका ६ स्थित पूर्व–पश्चिम राजमार्गको कालिञ्जोर खोलाको पुल नजिक ठक्कर दिएको थियो।

पहिचान हुन नसकेका दुई पुरुषको शव पोस्टमार्टमका लागि सदरमुकाम मलङ्गवा पठाउने तयारी भइरहेको र दुर्घटनामा संलग्न ट्रक चालक र ट्रक लालबन्दी प्रहरीले नियन्त्रणमा लिएको जनाईएको छ ।