विराटनगर । मोरङको लेटाङमा गाडी दुर्घटना हुँदा दुई जनाको मृत्यु भएको छ भने एक जना गम्भीर घाइते भएका छन् ।

सिंहदेवीबाट लेटाङ बजारतर्फ आउँदै गरेको मे १ ज १११५ नम्बरको भ्यान अनियन्त्रित भई दुर्घटना भएको प्रहरीले जनाएको छ ।

दुर्घटनामा परेर मृत्यु हुनेमा धनकुटा चौबिसे गाउँपालिका– ८ आईतबारे निवासी चन्द्रमाया लिम्बु  र भारत आसामका तपन ठकुरी रहेका छन् ।

दुर्घटनामा गम्भीर घाइतेको धरानमा उपचार भइरहेको प्रहरीले जनाएको छ । भ्यान सडकबाट करिब २०० मिटर तल खसेको थियो ।