अनलाइन नेपाल
सिरहा । सिरहाको मिर्चैयामा नगरपालिका घेराउ गर्न पुगेका स्थानीयवासी र प्रहरीबीच झडप भएको छ ।
नगरपालिकाले घर भत्काएको विरुद्ध प्रदर्शन गर्न पुगेका स्थानीयवासी र प्रहरीबीच झडप हुँदा गोली चल्दा ५ प्रहरी र दर्जनौं स्थानीयबासी घाइते भएका छन् ।
स्थानीयवासीले आफूहरूले उठाएका विषयहरूको जवाफ मेयर श्रवणकुमार यादवले दिनुपर्ने माग गर्दै प्रदर्शन गरेका थिए । तर, मेयर यादव बाहिर नआएपछि प्रदर्शनकारी नगरपालिकाभित्र प्रवेश गर्न खोजेका थिए ।
त्यसक्रममा प्रहरीले दर्जनौं सेल अश्रुग्यास र हवाई फायर गरेका हुन् ।
प्रहरीले रोकेपछि स्थानीयले नगरपालिका कार्यालयमा ढुंगामुढा गर्न थालेपछि स्थिति तनावग्रस्त बनेको हो ।
पहिलेदेखि बस्दै आएका स्थानीयको घर तोडफोड गरेको, आफ्नो आसेपासेको नाममा पोखरीको जमिन कित्ताकाट गर्न लगाएको लगायत आरोप लगाउँदै मिर्चैया बजारका स्थानीयवासीले केही दिनदेखि निरन्तर प्रदर्शन गर्दै आईरहेका छन् ।
हिमचुली मिडिया प्रा. लि.
इमेल: mail.onlinenepal@gmail.com
फोन नम्बर: +977- 01-4526373 (9851137729, 9851148387)
ठेगाना: न्यू प्लाजा, पुतलीसडक, काठमाडौं
दर्ता नम्बर: 1695/076/077
