बारा । जनमत पार्टीका उम्मेदवार शिवचन्द्र कुशवाहाले बारा क्षेत्र नं २ मा आफू निर्वाचित हुने दाबी गरेका छन् ।

उपनिर्वाचन अन्तर्गत मतगणना भइरहँदा कुसवाहाले यस्तो बताएका हुन् ।

जसपा अध्यक्षसमेत रहेका उपेन्द्र यादवसँग प्रतिस्पर्धा गरिरहेका कुसवाहाले धेरै मत गन्न बाँकी रहेकाले गणना सकिँदासम्म आफू निर्वाचित हुने दाबी गरे ।

प्राप्त मत परिणाम अनुसार जसपा अध्यक्ष यादवले १८ हजार ८०८ मत पाउँदा जनमतका उम्मेदवार कुशवाहले १५ हजार ४५८ मत पाएका छन् ।

उनीहरुबीचको मतान्तर ३ हजार ३५० छ । मंगलबार दिउँसोसम्म यादव र कुशवाहबीचको मतान्तर ५ हजार भन्दा बढी थियो ।

एमाले उम्मेदवार पुरुषोत्तम पौडेलले भने ५ हजार ५६३, राष्ट्रिय स्वतन्त्र पार्टीका रमेश खरेलले २२६८ र आम जनता पार्टीका उम्मेदवार अरुण ज्ञवालीले २ हजार १० मत पाएका छन् ।