एजेन्सी । युक्रेनले रुसी राष्ट्रपति भ्लादिमिर पुटिनको हत्याप्रयास गरेको आरोप लागेको छ । मंगलबार राति युक्रेनले राष्ट्रपति पुटिनको हत्या प्रयास गरेको रुसले लगाएको हो ।

युक्रेनलाई पुटिनलाई लक्षित गरी दुई वटा ड्रोनबाट हमला गरेको रुसी राष्ट्रपति कार्यलयले एक विज्ञप्तिमार्फत जनाएको छ ।

ती ड्रोनलाई खसाइएको बताइएको छ। यसबाट मानवीय क्षति नभएको विज्ञप्तिमा उल्लेख छ।

राष्ट्रपति पुटिन सकुशल रहेको र उनको कार्यतालिकामा कुनै हेरफेर पनि नगरिएको क्रेमलिनले जनाएको छ।