Jul 23 2026 | २०८३, श्रावण ७ गते
23 Jul 2026 | बिहिवार, श्रावण ७ गते २०८३
बिहिवार, श्रावण ७ गते २०८३
Jul 23 2026 | २०८३, श्रावण ७ गते
23 Jul 2026 | बिहिवार, श्रावण ७ गते २०८३
काठमाडौं । नेपाली नागरिकलाई नक्कली भुटानी शरणार्थी बनाएर ठगी गरेको विषयले प्रतिनिधिसभा बैठकमा समेत प्रवेश पाएको छ । सो प्रकरणलाई लिएर सत्तारूढ दल र विपक्षी दलबीच संसद्मा जुहारी सुरु भएको छ ।
आइतबारको संसद् बैठकमा बजेटसम्बन्धी छलफल चल्दै गर्दा सत्तारूढ दल नेपाली कांग्रेस र नेकपा माओवादी केन्द्रका सांसद एकअर्कालाई दोषारोपणमा उत्रिएका हुन् ।
संसद् बैठकमा एमाले सांसदहरूले शरणार्थी प्रकरणलाई विषयान्तर गर्दै माओवादीप्रति लक्षित अभिव्यक्ति दिए भने माओवादी केन्द्रका सांसदहरू एमालेले नक्कली शरणार्थी प्रकरणमा जोडिएका रायमाझीलाई बचाउ गर्न खोजेको भन्दै त्यसको प्रतिवादमै उत्रिए ।
संसद्मा धारणा राख्दै माओवादी केन्द्रका सांसद सुबोध सापकोटाले रायमाझीलाई कानुनी दायरामा ल्याउनुमा नै एमालेका लागि कल्याण हुने भन्दै एमालेले कानुनको पालनालाई सघाउनुपर्ने बताए ।
‘टोपबहादुरजीलाई कानुनी दायरामा ल्याएर बुझाउनुस्, त्यसैमा नै तपाईंहरूको कल्याण छ, प्रधानमन्त्रीले गरेका कुरामा खिसिट्युरी गर्ने होइन, साँच्चै भ्रष्टाचारीलाई कारबाही गर्न चाहने हो भने विषयलाई विषयान्तर नगर्नुस्, त्यसले तपाईहरूलाई नांगो बनाइरहेको छ,’ माओवादी केन्द्रका सांसद सापकोटाले प्रमुख प्रतिपक्षी दल एमालेप्रति लक्षित गर्दै भने । राजधानी दैनिकबाट
© 2026 All right reserved to onlinenepal.com
Design & Developed By
