काठमाडौं । उद्योग वाणिज्य तथा आपूर्ति मन्त्री रमेश रिजाल बहुक्षेत्रीय प्राविधिक तथा आर्थिक सहयोगका लागि बंगालको खाडीको प्रयास (बिमस्टेक) सम्मेलनमा सहभागी हुन भारत जाने भएका छन् ।

आगामी जेठ ३० देखि ३२ सम्म भारतको कलकत्तामा आयोजना हुने विमस्टेक व्यापार सम्मेलनमा सहभागी हुन उनी भारत जाने भएका हुन् ।

आइतबार बसेको मन्त्रिपरिषद् बैठकले मन्त्री रिजालको भारत भ्रमण स्वीकृत गरेको हो ।

साथै सिन्धुलीमाढी भूमिस्थान चकमके उदयपुर कटारी सडक खण्डको स्तरोन्नतिका लागि राष्ट्रिय वनक्षेत्र प्रयोग गर्न स्वीकृति दिने निर्णय भएको छ ।