काठमाडौं । नेकपा एमालेका सांसद योगेश भट्टराईले कोशी प्रदेश नामाकरणपछि पहिचानवादी समूहले पार्टीका नेतालाई निशाना बनाएको भन्दै आपत्ति जनाएका छन् ।
शुक्रबार प्रतिनिधि सभामा विशेष समय लिएर बोल्दै सांसद भट्टराईले आपत्ति जनाएका हुन् ।
सांसद भट्टराईले भने, ‘के सत्तापक्ष हामीसँग भिड्न खोजेको हो ? यदि सरकार हाम्रा नेता–कार्यकर्ता, एमालेलाई सुरक्षा दिन सक्दैन भने एमालेले आफ्नो सुरक्षा आफ्नै गर्छ म गृहमन्त्रीलाई चुनौती दिन चाहन्छु।’
एमाले नेताहरूमाथि आक्रमण हुँदा प्रहरी र सरकार मौन बसेको सांसद भट्टराइले आरोप लगाए । एमालेमाथि पटकपटक आक्रमण भइरहेकोले स्वीकार्य नहुने भन्दै उनले गृहमन्त्रीसँग जवाफ मागे ।
पहिचानवादीको आन्दोलनमा सत्ताधारी दलका केही प्रतिनिधिले एमाले अध्यक्ष केपी ओलीसहित नेताहरूलाई आक्रमण गरेको भट्टराईको भनाइ थियो । उनले सत्तापक्षले नै अराजकता सिर्जना गरिरहेको समेत आरोप लगाए।
Leave a Reply